Onteiening van eiendom sonder vergoeding
Die Instituut vir Rasseverhoudings sê Suid-Afrikaners het net meer as 'n maand oor om 'n beroep op parlementslede te doen vir die verwerping van die Wetsontwerp op Onteiening.
Volgens die instituut gaan die wetsontwerp die land se probleme vererger en dit bedreig die hoop op herstel. Daar gaan glo op 14 September gestem word oor die wetsontwerp, wat die weg baan vir die onteiening van eiendom sonder vergoeding. Mia gesels met Chris Hattingh, Senior Beleidsontleder by die Sentrum vir Risiko-analise oor die belangrike saak.